२३ जेष्ठ २०७७, शुक्रबार

अर्को वर्षपनि टोकियो ओलम्पिक हुन्छ भन्ने सुनिश्चित गर्न नसकिने

जापानमा हुने तय भएको टोकियो ओलम्पिक प्रतियोगिता निर्धारित् समयभन्दा एक वर्षपछाडि पनि हुनेमा आशंका व्यक्त गरिएको छ ।

टोकियो ओलम्पिकका प्रमुख कार्यकारी अधिकृत तोशिरो मुटोले अर्को वर्षपनि ओलम्पिक हुन्छ भन्ने सुनिश्चित गर्न नसकिने बताएका हुन् ।

विश्वभरी महामारीको रुपमा फैलिएको कोरोनाभाइरसको संक्रमणका कारण प्रतियोगिता अनिश्चित नै रहेको उनको भनाइ छ ।

यसै वर्ष सन् २०२० मा हुने तय भएको प्रतियोगिता कोरोनाभाइरसको संक्रमणकै कारण ठिक एक वर्षपछाडि सारेर अर्को वर्ष सन् २०२१ को जुलाई २३ देखि गर्ने निर्णय भइसकेको छ ।

प्रमुख कार्यकारी अधिकृत मुटोले प्रतियोगिता अझ धेरै दिनपछाडि सर्नसक्ने सम्भावना उत्तिकै रहेको शुक्रबार बताए ।

जापानमा प्रधानमन्त्री सिन्जे आवेले यसै हप्तादेखि लागू हुनेगरी केही ठाउँका लागि संकटकालकोसमेत घोषणा गरेका छन् ।

‘आगामी जुलाईसम्ममा कोरोनाभाइरसको संक्रमण नियन्त्रण भइसक्छ भन्ने कुरा कसैले भन्न सक्दैन । त्यसैले अहिले तोकिएकै मितिमा ओलम्पिक प्रतियोगिता हुन्छ भन्ने सुनिश्चत गर्न पनि मैले सक्दिनँ’–उनले भने ।

शुक्रबार आयोजित पत्रकार अन्तरक्रियामा उनले तोकिएकै मितिमा प्रतियोगिता हुनेबारेमा आफूसँग स्पष्ट जवाफ नभएको बताए ।

कोरोनाभाइरसको संक्रमण बढ्दै गएपछि गत महिना सम्बन्धित निकायहरुले यसै वर्ष सन् २०२० मा हुने तय भएको टोकियो ओलम्पिक सारेर अर्को वर्ष सन् २०२१ को जुलाई २३ देखि र पारालोम्पिक अगस्ट २४ देखि गर्ने निर्णय गरेका थिए ।

प्रधानमन्त्री आवेले कोरोनाभाइरसविरुद्धको लडाइँलाई छिटो–छरितो, प्रभावकारी र सशक्त नबनाएकाले ओलम्पिक प्रतियोगिता सार्नुपरेको भन्दै उनको आलोचना पनि भएको छ ।

प्रमुख कार्यकारी अधिकृत मुटोले प्रतियोगिता एक वर्षपछाडि हुने मानेर नै तयारीको कामहरु तीव्रगतिमा अगाडि बढाइने बताए ।

उनले त्यतिबेलासम्म कोरोनाभाइरसको संक्रमण अन्त्य हुने आशा पनि व्यक्त गरे ।

जापानमा कोरोनाभाइरसका कारण शुक्रबारसम्ममा झन्डै पाँच हजारजना संक्रमित भएका छन् भने झन्डै १०० जनाको मृत्यु भएको छ । रासस/एपी

यो खबर पढेर तपाईलाई कस्तो महसुस भयो ?

Loading spinner

सम्बंधित खबरहरु



COVID-19 Stat: 2020-6-3

Country Confirmed Death
Nepal23009
India2168246088
China841604638
Malaysia7970115
Qatar6216045
Australia7240102
US1851520107175
Saudi Arabia91182579