आज मोरङ जिल्लामा २५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार प्रदेश जनस्वास्थ्य प्रयोगशालामा गरिएको परीक्षणमा उनीहरुमा कोरोना पुष्टि भएको हो ।
संक्रमितहरु मोरङको रतुवामाईका रहेका छन् । संक्रमित सबै भारतबाट आएका व्यक्तिहरु भएको जनाइएको छ । संक्रमितहरुलाई धरानस्थित विपी कोइराला स्वास्थ्य विज्ञान प्रतिष्ठान पठाउने तयारी भइरहेको छ ।
यो सँगै मोरङमा कोरोना संक्रमितहरुको संख्या ७१ पुगेको हाे ।
