मोरङको बेलबारी ५ कसेनीस्थित लोहन्द्र पुलमा स्थानीयबीच भएको झडपमा शुक्रबार एक जनाको मृत्यु भएको छ । उक्त झडपमा घाइते भएका स्थानीय ४० वर्षीय चन्द्रकुमार राईको उपचारका क्रममा मृत्यु भएको प्रहरीले जनाएको छ । अन्य ४ जना घाइते भएका छन् ।
घाइतेको विराटनगर अस्पतालमा उपचार भइरहेको जिल्ला प्रहरी मोरङका प्रवक्ता डिएसपी मानबहादुर राईले बताए ।
मादक पदार्थ सेवन गरि खुकुरी प्रहार भएको प्रहरीले जनाएको छ। खुकुरी प्रहारबाट घाइते भएका चन्द्रकुमारको विराट अस्पतालमा उपचारको क्रममा मृत्यु भएको डिएसपी राईले बताए । घटनामा संलग्न अन्य ३ जना भने फरार रहेका छन् ।
