विराटनगर । वीपी कोइराला स्वास्थ्य विज्ञान प्रतिष्ठान धरानमा झापा कन्काई नगरपालिका–३ निवासी ४५ वर्षीया महिलाको मृत्यु भएको छ ।
मेची अस्पतालबाट रिफर भई वीपीको कोभिड अस्पतालमा उपचारतः महिलाको आइतबार १०ः४५ बजे मृत्यु भएको हो ।
प्रतिष्ठानका प्रवक्ता डा.निदेश सापकोटाका अनुसार कब्जियतको समस्या भएपछि मेची अस्पतालमा भर्ना गरिएकी महिलालाई २ दिनदेखि ज्वरो, श्वासप्रश्वास समस्या देखिएको थियो । स्वाब संकलन गरेर परीक्षण गर्दा वीपीमा कोरोना पोजेटिभ देखिएको हो ।
स्वास्थ्य समस्या जटिल भएपछि भेन्टिलेटरमा राखेर उपचार गरिएपनि आइतबार महिलाको मृत्यु भएको प्रवक्ता सापकोटाले जानकारी दिनुभयो । वीपीमा महिलालाई भदौ १८ गते भर्ना गरिएको हो ।
