विराटनगर । मोरङको तात्कालिन गाउँ विकास समिति पथरीका पूर्वअध्यक्ष तिलक वान्तवा राईको कोरोना संक्रमणका कारण मृत्यु भएको छ । मोरङको बूढीगंगास्थित विराट मेडिकल कलेजमा उपचारको क्रममा राई मंगलबार बिहान मृत्यु भएको हो ।
अस्पतालको आइसोलेसन प्रमुख सुनिल देवका अनुसार पथरीशनिश्चरे नगरपालिका–१ निवासी राईलाई कात्तिक २१ कोरोना पोजिटिभ देखिएको थियो ।
२०४९ सालको स्थानीय निर्वाचनमा पथरी गाविस अध्यक्षमा निर्वाचित भएका राई पछिल्लो समय सामाजिक गतिविधीमा सक्रियु हुनुहुन्थ्यो ।
राईका एक श्रीमती, चार छोरी र दुुई छोरा छन् । जसमध्ये दीपक राई नेपाली फुटबलका राष्ट्रिय खेलाडी हुन्।