विराटनगर । विराटनगर महानगरपालिका ११ स्थित केशलिया नहर छेउबाट भारत लैजादैं गरेको ४३० लिटर डिजेलसहित सुनसरीका तीनजनालाई प्रहरीले नियन्त्रणमा लिइएको छ ।
प्रहरीले सुनसरी हरीनगरागाउँपालिका ६ का सत्रुधन साह, नजाम खान, र अकवाल मियाँले ३ वटा मोटरसाईकलमा नेपालबाट भारततर्फ भन्सार छली चोरी निकासी गरेर लैजादैं गरेको डिजेल बरामद गरेको हो ।
प्लाष्टिकको गिलेनमा ४३० लिटर डिजल लादैं गरेको अवस्थामा जिल्ला प्रहरी कार्यालय मोरङबाट खटिएको प्रहरी गस्ती टोलीले मानिस सहित ३ वटा मोटरसाइकल र डिजेल ४३० लिटर नियन्त्रणमा लिइएको थियो । नियन्त्रणमा लिइएको डिजेटल ३४ हजार ४०० बराबरको हुने प्रहरीले बताएको छ ।
