विराटनगर । विराटनगरमा रहेको न्यूरो हस्पिटलले सञ्चालनमा ल्याएको कोभिड अस्पतालले एकहजार ७५० रुपैँयामा नै पिसिआर परीक्षण गर्ने जनाएको छ । न्यूरोले सरकारले ताकेको भन्दा सस्तोमा कोरोना भाइरसको परीक्षण गर्ने भएको हो ।
अस्पतालमा आउनेहरूको १ हजार ७५० रुपैयाँमा परीक्षण थालेकोे हस्पिटलका अपरेसन डाइरेक्टर राजेश भट्टराईले जानकारी दिनुभयो । यसअघि न्यूरोले २ हजार रुपैयाँ परीक्षण शुल्क लिने गरेको थियो । न्यूरो हस्पिटलको सञ्चालन समितिको बैठकले पिसिआर परीक्षणको शुल्क घटाउने निर्णाय गरेको हो ।
विरामीलाई सहुलियत दरमा उपचार गर्ने उद्देश्यले पिसिआर परीक्षणको शुल्क घटाएको हस्पिटलले जनाएको छ । अहिले दैनिक न्यूरोको ल्याबमा १ सयदेखि १ सय ५० जनाको पिसिआर परीक्षण हुने गरेको छ । न्यूरोको कोभिड अस्पताल ५० शैय्याको सञ्चालनमा छ ।
