विराटनगर । विराटनगर १२ अभिवादन टोल स्थित एक घरबाट लाखौ मुल्य बराबरको धनमाल चोरी भएको छ ।
विराटनगर–१२ का बासिन्दा शुसिलकान्त साहको घरबाट चोरहरुले चोरी गरेका हुन । घरमा कोही पनि नभएको मौका छोपी चोरहरुको समुहले साहको घरको माथिल्लो तल्लामा रहेको सिसाको भेन्टीलेशन फुटाएर चोरी गरेका छन् ।
घरधनी बाहिर रहेको अवस्थामा चोरी कहिले भएको हो भन्ने खुल्न सकेको छैन। शुक्रबार विहान साह घर फर्किएपछि चोरी भएको थाहा पाएका थिए । चोरहरुले उनको घरबाट कम्युटर,गरगहना,लत्ताकपडा,साईकल सहित जडान गरिएको ग्याँसको सिलिण्डर लगायतका बस्तु चोरी गरेका छन ।
घटनामा झण्डै ५ लाख मुल्य बराबरको सरसामान चोरी भएको साहले बताउनुभयो । विराटनगर १२ को अभिबादन टोलको उक्त क्षेत्रमा बारम्बार चोरीको घटना हुने गरेको स्थानियले बताएका छन । घटना बारे वडा प्रहरी कार्यालय विराटनगरबाट पुगेको प्रहरीको टोलीले थनुसन्धान थालेको छ ।
