विराटनगर । विराटनगर–१४ मलाहा रोडमा ग्यासको कालोबजारी गरेर बिक्री गर्दै आएका एकजनालाई मंगलबार प्रहरीले पक्राउ गरेको छ । फोटोकपी तथा कम्प्यूटर राखेर बसेका मनिष यादवले ग्यास भरिएको सिलिण्डरबाट खाली सिलिण्डरमा पल्टी गरिरहेको अवस्थामा इलाका प्रहरी कार्यालय रानीको टोलिले उनलाई पक्राउ गरेको हो ।
प्रहरीले यादवको पसलमा खानतलासी गर्दा निजको पसलबाट ठुलो ग्याँस सिलिण्डर–११ थान, सानो ग्याँस सिलिण्डर–२ थान, तौल मेसिन १ थान, रेगुलेटर, २ थान, एयर लिंक गर्ने पाईप १ थान समेत फेला पारी सामनसहित निज यादवलाई नियन्त्रणमा लिइएको हो ।
