विराटनगर । मोरङ कानेपोखरी गाउँपालिका–५ भौसाबारीबाट अवैध लागु औषध विक्री वितरण गर्ने पाँचजनालाई प्रहरीले पक्राउ गरेको छ । बिशेष सूचनाको आधारमा जिल्ला प्रहरी कार्यालय मोरङवाट खटिएको प्रहरी टोलीले ४० ग्राम ब्राउन सुगर जस्तो देखिने खैरो पदार्थ र को ३५ प २२७२, को ३३ प २६६ नं. को मोटरसाईकल उनीहरुलाई पक्राउ गरेको हो ।
नियन्त्रणमा परेका उनीहरुमाथि थप अनुसन्धान गर्ने कार्य भई रहेको जिल्ला प्रहरी कार्यालय मोरङका प्रवक्ता मानबहादुर राईले जानकारी दिनुभयो । पक्राउ पर्नेमा कानेपोखरी–५ का मुस्कान चौधरी, बिक्रम मगर, पंचन साह, राजेश धिमाल र लेटाङ–३ का शान्तिराम काफ्ले रहेका छन् ।
