विराटनगर । मोरङको सुनवर्षी–८ डायनिया–सिक्टी सडक खण्डमा गत माघ १७ गते फेला परेको गाडीमा नक्कली नम्बर प्लेट भएको खुलेको छ । प्रहरी चौकी सिक्टीले नियन्त्रणमा लिएको भनिएको को २ च २७८६ नम्बरको बोलेरो गाडी यातायात कार्यालयमा दर्ता बिनानै सञ्चालनमा ल्याएको पाइएको हो ।
प्रहरीले वेवारिसे अवस्थामा रोकेर राखेको उक्त गाडी बरामद गरेपछि इलका प्रहरी कार्यालय रंगेलीमार्फत गाडी धनी पत्ता लगाउन चाहेको थियो । इलाकाले यातायात व्यवस्था कार्यालय इटहरीमा उल्लेखित नम्बरको गाडीको बारेमा बुझ्दा फेला नपरेको प्रवक्ता मानबहादुर राईले जानकारी दिनुभयो । यातायात कार्यालयमा दर्ता नै फेला नपरेपछि प्रहरीले उक्त गाडी भन्सार कार्यालय रानीमा बुझाउने तयारी गरेको छ ।
