ओबि मिडिया प्रालीले आफ्ना एक कर्मचारीलाई कोरोना बिमा अन्तर्गतको बिमा रकम हस्तान्तरण गरेको छ ।
विश्वभर फैलिएको कोरोना महामारीको समयमा कम्पनीले कार्यारत सबै कर्मचारीहरु तथा इन्टर्नसिप गरिरहेकाहरुको कोरोना बिमा गराएको थियो ।
ओबि मिडियाको अनलाईन विभाग आवर विराटनगरमा कार्यरत रहँदा कोरोना संक्रमण देखिएको इन्टर्न रौनक अग्रवाललाई कोरोना बिमा बापत प्राप्त रकम रु. एक लाख हस्तान्तर गरिएको हो ।
कम्पनीको प्रशासन अधिकृत सुस्ना खड्काले अग्रवाललाई उक्त चेक हस्तान्तरण गर्नु भएको हो ।
महामारीको समयमा अग्रस्थानमा रहेर काम गरेका आफ्ना सबै कर्मचारीहरुको स्वास्थ्यलाई मध्यनजर गर्दै लुम्बिनि जनरल इन्सुरेन्समा सो कोरोना स्वास्थ्य बिमा गराएको खड्काले जानकारी दिनु भयो ।
