सिरहा
सिरहाको सामुदायिक वन क्षेत्रमा एक महिलाको शव सडेको अवस्थामा फेला परेको छ । मिर्चैया नगरपालिका– ७ स्थित सामुदायिक वन क्षेत्रमा बिहीबार बिहान सडेको अवस्थामा महिलाको शव फेला परेको हो ।
जङ्गलमा अन्दााजी ३० वर्षीया महिलाको फेला परेको शवको पहिचान नखुलेको जिल्ला प्रहरी कार्यालय सिरहाले जनाएको छ । रातो कुर्ता, हरियो सुरुवाल, खुट्टामा पाउजु लगाएकी महिलाको शव देखेपछि गोठाला गएका स्थानीयले प्रहरीलाई खबर गरेका थिए । त्यसपछि प्रहरी घटनास्थल पुगेर मुचुल्का तयार गरी शव परीक्षणका लागि लहान अस्पतालमा ल्याइएको प्रहरीले जनाएको छ ।
