विराटनगर । विराटनगर–१७ मटेरुवाबाट प्रहरीले दुईलाख भारतीय रुपिँयासहित एकजनालाई पक्राउ गरेको छ । अस्थायी प्रहरी चौकी मटेरुवाले भारतबाट लुकाएर ल्याउँदै गरेको भारतीय रुपिँयासहित भारतीय नागरिकलाई पक्राउ गरेको हो ।
प्रहरीले भारत अररिया थाना नरपथगंज पोष्ट तलासी वडा नं. १० बस्ने ३४ वर्षीय संजय सिंहलाई चेकजाँचको क्रममा भारतीय रुपिँया फेला पारेको थियो । उनलाई ५०० का ३८८ थान र २००० हजारका २६ थान नोटगरि २ लाख ४६ हजार रुपिँयासहित पक्राउ गरिएको मोरङ प्रहरीका प्रवक्ता प्रहरी नायव उपरीक्षक मानबहादुर राईले जानकारी दिनुभयो । सिंहलाई आवश्यक कारवाहीका लागि मूल भन्सार कार्यालय रानीमा बुझाइएको छ ।