विराटनगर । मानव सेवा आश्रमलाई कबिर सत्संग सेवा आश्रमले ६ कट्ठा जग्गा प्रदान गरेको छ । सडकमा रहेका र असाहय नागरिकको संरक्षणमा काम गर्दै आएको आश्रमको संरचना निर्माणका लागी डम्बर बहादुर खड्काको नाममा रहेको ६ कट्ठा जग्गा शुक्रबार आश्रमलाई प्रदान गरिएको हो ।
महानगरपालिकाको समन्वयमा सदगुरु कविर सेवा आश्रमले जग्गा उपलब्ध गराएको विराटनगर महानगरपालिकाका मेयर भीम पराजुलीले बताए । दिल्ली पब्लिक स्कुल नजिकै रहेको सदगुरु कविर सेवा आश्रमको नाममा १३ कट्ठा जग्गा छ । सो मध्ये ६ कट्ठा जग्गा आश्रमलाई प्रदान गरिएको हो ।
बाकी जग्गा पनि आश्रमलाई प्रयोग गर्न दिने आश्रमले बताएको छ । प्राप्त जग्गामा आश्रमका लागि संरचना निर्माण र पार्क निर्माण गर्ने बताइएको छ ।