युके अध्ययन गर्न चाहने नेपाली विद्यार्थीहरुको लागि फाल्गुन २२ गते शनिबार अनलाईन शैक्षिक मेला आयोजना हुने भएको छ । डल्फिन एजुकेशन कन्सल्टेन्सीले प्राविधिको प्रयोग गरि ‘युके भर्चुअल एजुकेशन फेयर’ नाम दिएर उक्त शैक्षिक मेला दिउसो १२ देखि ४ बजेसम्म आयोजना गर्न लागेको हो ।
युकेका ३० भन्दा बढि विश्वविद्यालयहरुको उपस्थिति हुने उक्त शैक्षिक मेलामा युकेमा अध्ययन गर्ने इच्छा भएका विद्यार्थीहरुलाई सहजीकरण गर्ने योजना रहेको डल्फिन एजुकेशन कन्सल्टेन्सी विराटनगरका काउन्सिलर सरोज बस्नेतले बताए ।
बस्नेतले विश्विद्यालयका प्रतिनिधिहरुले विद्यार्थीहरुलाई छात्रवृत्तिका अवसर, भर्ना प्रकृया, भिसा र स्थानको सम्बन्धमा जानकारी र जागिरको अवसरलगायतका विषयमा जानकारी गराउने बताए ।
भोली जुमको माध्यमबाट हुने यस शैक्षिक मेलामा विराटनगरका साथै काठमाडौं, बुटबललगायतका सहरबाट समेत विद्यार्थी र शैक्षिक परामर्शदाताहरुको उपस्थिति रहने बस्नेतले जानकारी दिए ।
उक्त शैक्षिक मेलामा सहभागी हुन विद्यार्थीहरुले https://bit.ly/dolphinbrtukfair लिंक प्रयोग गर्न सक्नेछन् ।
