चोरीको ल्यापटपसहित मङ्गलबार प्रहरीले एकजनालाई पक्राउ गरेको छ । पक्राउ पर्नेमा अन्दाजी २३ वर्षका अमिशजङ्ग बस्नेत रहेका छन्। बस्नेतलाई विराटनगर महानगरपालिका–९ ट्राफिक चोकबाट चोरीको ल्यापटपसहित पक्राउ गरिएको हो।
फागुन १ गते विराटनगर–४ ढाटस्थित डेराबाट चोरी भएको उमेशकुमार यादवको लेनोभो कम्पनीको ल्यापटपसहित बस्नेत पक्राउ परेका हुन् । यादवको उजुरीका आधारमा जिल्ला प्रहरी कार्यालय मोरङबाट खटिएको प्रहरी टोलीले बस्नेतलाई नियन्त्रणमा लिई चोरी कसूरमा थप अनुसन्धान गरिरहेको जनाइएको छ ।
