विराटनगर ।
कोशी अस्पतालको कोभिड–१९ उपचार केन्द्रमा एकजना कोरोना भाइरस सङ्क्रमित महिलाको आज बिहान मृत्यु भएको छ ।
विराटनगर महानगरपालिका–४ बरगाछी निवासी ४६ वर्षीया महिलाको बिहीबार बिहान ज्यान गएको हो ।
कोशी कोभिड–१९ उपचार केन्द्रका निमित्त संयोजक एपोलो भगतका अनुसार मृतक महिला उपचारका लागि नोबेल अस्पतालमा भर्ना भएकी थिइन् । पीसीआर परीक्षण रिपोर्ट पोजिटिभ आएपछि उनलाई कोशीमा रेफर गरिएको थियो । नोबेलबाट मृतक महिलाका श्रीमान्ले स्कुटरमा राखेर कोशीमा भर्नाका लागि बुधबार पु¥याएको थिए ।
भर्नापछि महिलाको उपचार सुरु गरिएको थियो । श्रीमान् र श्रीमती नै संक्रमित भएपछि दुवैलाई भर्ना गरेका थियौं, श्रीमतीको बिहान ४ः३० बजे मृत्युभयो, भगतले भन्नुभयो–अहिले शव अन्त्येष्टिका लागि परिवारले लगेको छ ।
