विराटनगर । कोरोना सङ्क्रमणका कारण विराटनगरमा एक जनाको मृत्यु भएको छ । मोरङको कटहरी गाउँपालिका–४ घर भएका ४५ बर्षीय पुरुषको कोसी अस्पताल कोभिड १९ उपचार केन्द्रमा मृत्यु भएको हो ।
तीन दिनअघि सङ्क्रमण पुष्टि भएका ती पुरुषको अस्पताल कोभिड–१९ उपचार केन्द्रमा बिहीबार मृत्यु भएको हो । कोरोना पुष्टि भएपछि उनलाई उपचारका लागि गत वैशाख ६ गते भर्ना गरिएको कोशी कोभिड उपचार केन्द्रले जनाएको छ ।
