माडी
माडीमा एक वृद्ध पुरुषको पोखरीमा डुबेर ज्यान गएको छ । मृत्यु हुनेमा माडी नगरपालिका–२ शीतलपुर निवासी ६७ वर्षीय देवीप्रसाद पाण्डे रहेका छन्। उनको पोखरीमा डुबेर मृत्यु भएको इलाका प्रहरी कार्यालय माडीले जानकारी दिएको छ ।
पाण्डे गए रातिसम्म परिवारकै सम्पर्कमा रहेको र एक्कासी आज बिहान ४ः०० बजेदेखि सम्पर्कमा नरहेको परिवारले जनाएको छ । उनको शव पानीभित्र डुबेको अवस्थामा भेटिएको हो । पाण्डेको मृत्यु के कारणबाट भएको हो भन्ने स्पष्ट हुन नसकेको प्रहरीले जनाएको छ । शव परीक्षणका लागि भरतपुर ल्याइएको छ ।
