मैथिल ब्राह्मण महासभा नेपालको युवा समिति मोरङले सपना सोशल एसोसिएशन अफ प्रोफेशनल नेपाली इन अमेरिकासँगको सहकार्यमा दोश्रो चरण अन्तर्गत विराटनगरका गरिब तथा विपन्न वर्गलाई खाद्यान्न सहयोग गरेको छ । निषेधाज्ञाबाट प्रभावित मजदुर तथा गरिबहरुलाई मध्यनजर गर्दै उनीहरुले विराटनगर महानगरको वार्ड नम्बर १, २, ३ र ४ तथा कटहरी गाउँपालिका वडा नम्बर १ का करिब १ सय घर परिवारलाई चामल १५ के.जी. खानेतेल १/२ लीटर, दाल २ के.जी., आलू २ के.जी., नून १ के.जी., हात धुने साबुन १ थान र मास्क सहितको राहत प्याकेज वितरण गरेको सहयोगी संस्थाका सदस्य सुरज मिश्रले जानकारी दिनु भयो ।
उक्त राहत वितरण विराटनगर २ स्थित श्री हनुमान मन्दिरमा भएको थियो ।
वितरण कार्यक्रममा मैथिल ब्राह्मण महासभा नेपाल, युवा समिति, मोरंग विराटनगरका अध्यक्ष मनोज मिश्र र अन्य पदाधिकारी सदस्यहरु विपिन कुमार झा, संतोष कुमार झा, चंद्रकांत ठाकुर, सूरज मिश्र, सुभाष झा ,नवीन झा, नंदकिशोर झा, निशित मिश्र, जितेन्द्र झा, अरुण ठाकुर, बरुण मिश्रा र स्थानिय समाजसेवी भक्ती माझी, पंकज बर्मा, नविन कणर्, मधुसुदन चौधरी, शम्भु कामतको सहभागी तथा सहयोग रहेको थियो । सोशल एसोसिएशन अफ प्रोफेशनल नेपाली इन अमेरिका तरफबाट अध्यक्ष डा.सुबोध मल्लिक, सचिव उषा झा, कोषाध्यक्ष डा. अर्चना कायस्थ, सदस्यहरु नीलु झा खतिवडा लगायतको उपस्थिति रहेको थियो ।
राहत वितरण कार्यक्रमको संयोजन मनोज कुमार मिश्र र डा. राकेश मंडलले गर्नु भएको थियो ।