लायन्स क्लव अफ विराटनगर पाथिभराले पाथिभरा लायन्स जनता अध्ययन केन्द्रको एक कोठे भवनको उद्घाटन गरी सञ्चालनमा ल्याएको छ । बालबालिकाहरुको छाना मुनी बसेर बढने रहरलाई लायन्स क्लव अफ विराटनगर पाथिभराले पुरा गरिदिएको छ । पाथिभरा लायन्स जनता अध्ययन केन्द्रमा स्थानीय बालबालिकाहरु अध्ययन गर्ने छन् । एक रिपोर्ट
विराटनगर–१६ स्थित दरैया बस्तीका मुसहर समुदायका बालबालिकाहरुलाई पठनपाठन गर्न सहज बनाउने उद्ेश्यले लायन्स क्लव अफ विराटनगर पाथिभराले एक कोठे भवनको आज विधिवत रुपले उद्घाटन गरी सञ्चानमा ल्याएको हो । क्लवले सहयोगीहरुलाई प्रशंसा–पत्र प्रदान गरेको छ । केन्द्रमा विद्यार्थीहरुको चाप पढदै गर्दा लायन्स क्लव अफ विराटनगर पाथीभराले क्लवका सदस्यहरुबाट सक्लन गरिएको रकमले थप एक कोठे भवन निर्माण गरेको क्लवकी अध्यक्ष गंगा खतिवडा (शाह) ले जनाउनुभयो ।
उहाँले बालबालिकाहरुको हरेक इच्छा आंक्षा पुरा गर्न क्लवका सवै सदस्यहरु अझै लागि पर्ने बताउनुभयो । ५ लाख ५० हजार रुपैयाँ लागतमा २० वाई २० फिटको निर्मित १ कोठे भवनको मल्टिपल काउन्सील प्रमुख राजन खत्रीले उद्घाटन गर्नुभएसँगै औपचारिक रुपमा सञ्चालनमा आएको छ । भवन निर्माण भएपछि दरैया बस्तीका मुसहर समुदायका मानिसहरु खुशीभएका छन् । भने बालबालिकाहरु नयाँ भवनमा पढन पाउने भएका छन् । दलित बालबालिकाहरुको लागि यस्तो मनकारी भावनाका साथ लायन्स क्लव अफ विराटनगर पाथिभाराले गरेको काम उदाहरीणय रहेको मल्टिपल काउन्सील प्रमुख राजन खत्रीले बताउनुभयो ।
उहाँले क्लबको उच्च मुल्याङ्गन गर्नु हुँदै कामको प्रशंसा गर्नुभयो । भवन निर्माणका लागि मिति २०७७ माघ ७ गते जिएसटी मल्टिपल को–ओर्डिनेटर अनन्त भेटवाल, पूर्व डिस्ट्रिक गर्भनर ३२५ का लिला ढुंगेल र युनिट एरिया लिडर फस्ट भाईस डिष्ट्रिक गर्भनर रेवत बहादुर कार्की लगायतको उपस्थितिमा शिलान्यास गरिएकोे थियो । दलित बालबालिकाहरुका लागि लयान्स क्लव अफ पाथिभराले उच्च शिक्षाका लागि अभियान निकै नै सराहनीय रहेको डिस्ट्रिक गभर्नर इलेक्टेड, रेवत वहादुर कार्कीले बताउनुभयो ।
निरन्तर यो कार्यमा लागि रहन सुझावदिनु हुँदै आवश्यक परेमा सहयोग गर्ने उहाँले प्रतिवद्धता व्यक्त गर्नुभयो । क्लवले च्यारीटी सो प्रदर्शन गरी केन्द्रमा चर्पी समेत बनाई दिएको थियो । विगत ३ वर्ष अगाडी देखी भवन नहुँदा बालबालिकहरु चौरीमा पढदै आईरहेको थियो । यी नै जरजर अवस्था देखेर लायन्स क्लव अफ पाथिभाराकी पूर्व अध्यक्ष अपर्णा दाहालको नेतृत्वमा एक कोठे पाथिभरा लायन्स जनता अध्यन केन्द्र निर्माण गरेर २०७५÷२०७६ सालमा डिष्ट्रिक्ट गर्भनर लायन अनन्त प्रसाद भेटुवाल मार्फत भवन केन्द्रलाई हस्तान्तरण गरिएको थियो ।