विराटनगर । मोरङको सुनबर्सी नगरपालिका–४ मा बुबाको हत्या गरेको आरोपमा छोरालाई पक्राउ परेका छन् । मादक पदार्थ सेवनपछिको विवादमा ६८ वर्षीय बुबा टिनताल ताजपुरियाको हत्या गरेको आरोपमा ४० वर्षीय दयालु ताजपुरिया पक्राउ परेका हुन् ।
शनिबार बिहान ६ बजेतिर ओछ्यानमा सुतिरहेको बेला वृद्ध बुवालाई ढुङ्गाले हानेर गम्भीर घाइते बनाएको जिल्ला प्रहरी कार्यालय मोरङका डीएसपी मञ्जिल मुकारुङले जानकारी दिनुभयो ।
ढुङ्गा प्रहारपछि गम्भीर घाइते भएका टिनताललाई उपचारका लागि विराटनगरको कोशी अस्पताल ल्याइएको थियो । कोशी अस्पतालले अन्यन्त्र रेफर गरेको थियो । तर आफन्तले खर्च अभावका कारण अस्पताल नलगी घर फर्काएका थिए । टिनतालको आइतबार बिहान साढे ५ बजेतिर घरमै मृत्यु भएको प्रहरीले जनाएको छ ।
