विराटनगर । विराटनगर मेन रोड हनमान मन्दिर अगाडी सवारी दुर्घटना हुँदा मोटरसाईकल चालक सहित एक पैदलयात्री घाईते भएका छन् ।
ट्राफिक चौकबाट तिनपैनी तर्फ जाँदै गरेको को १४ प २१२० नम्बरको मोटरसाईकलले पैदल यात्रीलाई आईतबार दिउसो अन्दाजी २ बजेको समयमा ठक्कर दिएको हो ।
बाटो क्रस गर्ने बेलामा पैदालयात्री मोरङको उर्लाबारी ७ घर भएकी ३६ बर्षिया सविना सिग्देललाई ठक्कर दिएको दिएको जिल्ला ट्राफिक प्रहरी कार्यालय मोरङले जनाएको छ ।
घाईते सिग्देलको टाउकोमा गम्भीर चोट लागेको र अहिले उनको न्युरो अस्पतालमा उपचार भईरहेको छ । यता मोटरसाईकल चालक विराटनगर ६ बस्ने २२ बर्षिय राजु सुनारको सवारी अनुमति पत्र (लाईसेन्स) नभएको बुझिएको छ । मोटरसाईल चालकको पनि टाउकोमा सामान्य चोट लागेको मोरङ प्रहरीले जनाएको छ ।
