विराटनगर । मालपोत कार्यालय मोरङले एक महिनापछि सेवा सूचारु गरेको छ । कोरोना संक्रमणका कारण गत बैशाख १७ गतेदेखि बन्द रहेको सेवा सूचारु गरेको हो ।
मालपोत कार्यालय मोरङका प्रमुख लोकबहादुर भण्डारीका अनुसार आलोपालो प्रणालीमा सेवा सूचारु गरिएको छ । एक दिन एक पालिकाका लागि सेवा दिने दिन छुट्याइएको छ । नगरपालिकाका लागि दुई दिन छुट्याइएको छ ।
मालपोतका कर्मचारीलाई कोरोना संक्रमण पुष्टि भएपछि मोरङमा निषेधाज्ञासँगै सेवा बन्द भएको थियो । एक महिनापछि सेवा सूचारु गरेर जग्गा सम्बन्धि काम अगाडी बढाइएको अधिकृत भण्डारीले बताउनुभयो ।
