विराटनगर । श्रीमती निदाई सकेपछि काठको मुङ्ग्रोले कन्चनमा हानेर हत्या गरेको आरोपमा श्रीमान्लाई प्रहरीले नियन्त्रणमा लियएको छ । मोरङ बेलबारी–७ का अम्बिका घिमिरेलाई श्रीमती ४८ वर्षीया सिता घिमिरेको हत्या आरोपमा पक्राउ गरिएको हो ।
घरमा सामान्य वादविवादपछि दुवैजना सुतेको बेलका राती २ः३० बजे श्रीमतीको बायाँ कन्चटमा मुङग्रोले हुर्काएको प्रहरीले बताएको छ । श्रीमतीको हत्यापछि श्रीमान्ले सिरानीमा मुङ्ग्रो छोडिदिएर घरदेखि २ किलोमिटर दुरीमा रहेको ग्वाली (गोठ)मा लुकेर बसेको अवस्थामा आज दिउँसो पक्राउ परेका हुन् । मोरङ प्रहरीद्वारा सम्प्रेषित सूचनाका अनुसार पक्राउ परेका अम्बिकालाई ज्यान सम्बन्धी कसूरमा थप अनुसन्धान सुरु गरिएको छ ।
