विराटनगर । घरायसी विवादको ‘इगो’ झगडामा परिणत हुँदा विराटनगर-५ मा भाईले दाजुलाई धारिलो हतियार प्रहार गरेर हत्या गरेका छन् ।
राष्ट्रिय अनुसन्धानका कर्मचारी रहेका ४२ वर्षीय भोला सिंह यादवको आफ्नै भाई साजन सिंहले धारिलो हतियार प्रहार गरेर हत्या गरेका हुन् ।
खोटाङमा कार्यरत भोला सिंह घर आएको बखत शुक्रबार बेलुका झगडा भएको थियो । दुवैबीच हानाहान हुँदा भोलालाई साजनले प्रहार गरेको हतियारले शरिरका विभिन्न भागमा गहिरो चोट देखिएको मोरङ प्रहरीका प्रमुख जनार्दन जिसीले जानकारी दिनुभयो ।
घटनापछि दुवैलाई विराट अस्पतालमा भर्ना गरिएको थियो । दाजुको ज्यान गएको छ भने भाई समेत घाइते भएको थिए । भाईलाई प्रहरीले नियन्त्रणमा लिईसकेको छ । बारम्बार झगडा भईरहने रहेछ, एसपी जिसीले भन्नुभयो-घटनाको भित्री पाटोमा अझै प्रहरीले अनुसन्धान गर्न बाँकी छ ।
