विराटनगर । सर्वोच्च अदालतले प्रतिनिधिसभा बिघटन बदर गरेपछि त्यसको विरोधमा राष्ट्रिय युवा संघ नेपालले विराटनगरमा प्रदर्शन गरेका छन् । प्रधानमन्त्रीको सिफारिसमा राष्ट्रपतिले गत जेठ ७ गते प्रतिनिधिसभा बिघटन गरेर निर्वाचन घोषणा गरिएको थियो ।
त्यसको विरुद्ध सर्वोच्चमा परेको रिट उपर सोमबार सर्वोच्च अदालतले संसद पुर्नस्थापना गर्ने आदेश गरेको छ । संविधानको धारा ७६(५) अन्तर्गत नेपाली काँग्रेस संसदीय दलका नेता शेरबहादुर देउवालाई प्रधानमन्त्री बनाउने परमादेशसहित सर्वोच्चले आदेश गरेपछि त्यसको विरोधमा एमाले निकट युवा संगठन सडकमा निस्केको हो ।
विराटनगरको जनआन्दोलन चौकबाट उनीहरुले सर्वोच्च अदालतको आदेश लोकतन्त्र र संसदीय अभ्यास विपरित भएको भन्दै सडकमा विरोध जनाएका थिए ।
