क्यानाडा
क्यानाडाका प्रधानमन्त्री जस्टिन ट्रुडोलाई लक्षित गरि प्रदर्शनकारीद्वारा ढुंगा प्रहार गरिएको छ। सोमबार ओन्टारियोको लन्डन शहरमा एक ब्रुअरीको भ्रमणबाट फर्केर बस चढ्दै गर्दा टुडोमाथि ढुंगा प्रहार भएको हो । तर उनलाई कुनै चोट भने लागेको छैन ।
उनले आफ्नो काँधमा एउटा ढुंगा लागेको तर चोट नलागेको बताएका छन् । क्यानाडाको सीटीवी नेसनल न्यूजका अनुसार मिडियाको गाडीमा सवार रहेका दुई व्यक्तिहरुलाई पनि ढुंगाले लागेको छ।
ट्रुडोले गत अगष्टमा क्यानाडामा मध्यावधि चुनावको घोषणा थिए । तर कोभिड खोप अनिर्वाय गरिएको तथा अन्य प्रतिवन्धहरुलाई लिएर उनको विरोध भइरहेको थियो । उनको चुनाव प्रचारका क्रममा पनि विरोध प्रदर्शनहरु भएका छन् ।
एक हप्ता अगाडि ट्रुडोले विरोधिहरुको घुसपैठ भएको भन्दै आफ्नो एउटा चुनावी सभा स्थगित गर्नुपरेको थियो जसकारण उनले प्रदर्शनकारीहरुको व्यवहार अस्वीकार्य रहेको प्रतिक्रिया दिएका छन् ।
-एजेन्सी
