विराटनगर।
नेपाल खेलकुद महासंघका वरिष्ठ उपाध्यक्ष पर्शुराम बस्नेतले सम्पत्ति शुद्धीकरण सम्बधी मुद्दामा सफाइ पाएका छन् । उनलाई बिहीबार सर्वोच्च अदालतका न्यायाधीश दीपककुमार कार्की र टंकबहादुर मोक्तानको इजलासले सफाइ दिएको हो ।
सम्पत्ति शुद्धीकरण अनुसन्धान विभागले २०७० जेठ ५ गते बस्नेत लगायत अन्य ५ जनाविरुद्ध विशेष अदालतमा मुद्दा दायर गरेको थियो । उनीहरु विरुद्ध गैरकानुनी कामबाट आर्थिक लाभ लिएको आरोपमा विभागले मुद्दा चलाएको थियो ।
बस्नेतले सम्पत्ति शुद्धीकरण मुद्दामा यसअघि नै विशेष अदालतबाट पनि सफाइ पाएका थिए । विशेष अदालतले बस्नेतको हकमा दाबी नपुग्ने भन्दै सफाइ दिएको थियो ।
सो आदेशपछि सम्पत्ति शुद्धीकरण विभागले सर्वोच्चमा पुनरावेदन गरेको थियो । सर्वोच्चले पनि विशेष अदालतकै आदेशलाई सदर गरेको हो। त्यतिबेला बस्नेत एमाले निकट युवा संघमा आबद्ध थिए । अहिले उनी खेलकुद महासंघ र माेरङकाे एमाले राजनीतिमा सक्रिय छन् ।
