विराटनगर।
सुनसरी दुहबी नगरपालिका ९ छाताबेली स्थित जय बाबा ईट्टा भट्टा उद्योग भित्र ट्रिपरको ठक्करबाट एक जना बालिकाको मृत्यु भएको छ । मृत्यु हुनेमा सोही भट्टामा मजदुर रहेका भारत पश्चिम बंगालका रफिकुल इस्लाम की छोरी ९ बर्षीया बबिता खातुन रहेकी छन् ।
बालिकालाई हिजो बेलुका पौने ५ बजे को १ ख ५४५१ नम्बरको ट्रिपरले ठक्कर दिँदा घटनास्थलमानै मृत्यु भएको थियो । ट्रिपर र चालक धनकुटा सहिद भुमी गाऊपालिका ४ का ३० बर्षीय हेमराज राई ईलाका प्रहरी कार्यालय दुहबीको नियन्त्रणमा रहेको प्रहरिले जनाएको छ ।
साथै घटनाबारे थप अनुसन्धान भईरहेको प्रदेश नम्बर १ प्रहरी कार्यालय विराटनगरले जनाएको छ ।
