विराटनगर।
मोरङ बुढिगंगा गाउँपालिका १ शान्ती चौक स्थित कोशी लोकमार्गमा बसको ठक्करबाट एक साईकल यात्रीको मृत्यु भएको छ । मृत्यु हुनेमा मोरङ बेलबारी नगरपालिका ८ डाँगीहाटका ५१ बर्षीय देबेन्द्र पन्त रहेका छन् ।
विराटनगर आउदै गरेको को १ ख ७५४८ नम्बरको बसले हिजो बेलुका सँवा ६ बजे सोही दिशातर्फ जाँदै गरेको साईकललाई पछाडीबाट ठक्कर दिदाँ गम्भिर घाईते भएका साईकल चालक पन्तको कोशी अस्पताल विराटनगरमा उपचारको क्रममा बेलुका साढे ६ बजे मृत्यु भएको हो ।
बस र चालक सुनसरी रामधुनी नगरपालिका ५ का ५३ बर्षीय शिब बहादुर पौडेल जिल्ला प्रहरी कार्यालय मोरङको नियन्त्रणमा रहेको प्रदेश १ प्रहरी कार्यालय विराटनगरले जनाएको छ ।
