अमेरिकी राष्ट्रपति जो बाइडेनले आफ्ना रूसी समकक्षीलाई फोनवार्तामा आणविक युद्ध शुरु गर्न नहुने र यसबाट राम्रो परिणाम निक्लन नसकिने बताउँनुभएको क्रेमलिनका सहयोगी युरी उशाकोभले बताएका छन् ।
"यो धेरै महत्त्वपूर्ण छ कि राष्ट्रपति बाइडेनले वार्तालापको क्रममा बारम्बार आणविक युद्ध शुरु गर्नु हुँदैन र जित्न सकिदैन," भन्नुभएको स्पुतनिकले उशाकोभलाई उद्धृत गर्दै जनाएको छ । उक्त वार्ता बिहीबार अपराह्न ४:२५ बजे भएको थियो । सो अवसरमा राष्ट्रपतिहरूले सबै मुख्य विषयमा छलफल भएकोमा जोड दिँदै उशाकोभले वार्ता निकै अर्थपूर्ण भएको र जुन अत्यन्तै महत्त्वपूर्ण पनि रहेको भन्दै नयाँ वर्षपछि पनि वार्तालाई निरन्तरता दिने सहमति भएको बताउँनुभएको छ । "सैद्धान्तिक रूपमा, हामी वार्ताबाट सन्तुष्ट छौं किनभने तिनीहरू स्पष्ट, ठोस र विशिष्ट थिए। म यो पनि भन्न सक्छु कि यी वार्ताहरूको भावना रचनात्मक थियो," उशाकोभले भने।
क्रेमलिन सहयोगीले जनाएअनुसार वार्ताको क्रममा जो बाइडेनले वाशिङ्गटनले युक्रेनमा आपत्तिजनक स्ट्राइक हतियारहरू तैनाथ गर्ने छैन भन्ने कुरा राख्नुभएको थियो।
