मेक्सिकोका राष्ट्रपति अन्ड्रेस मान्युल लोपेज ओर्बाडोर कोरोनाभाइरसबाट फेरि सङ्क्रमित हुनुभएको छ ।
उहाँ अहिले दोस्रो पटक सङ्क्रमित हुनुभएको राष्ट्रपतिको कार्यालयका अधिकारीहरुले जानकारी दिएका छन् । उहाँलाई सामान्य लक्षण देखिएको र शंका लागेर परीक्षण गर्दा कोरोनाभाइरसको सङ्क्रमण पुष्टि भएको उनीहरुको भनाई छ । सङ्क्रमण पुष्टि भएसँगै राष्ट्रपति अन्ड्रेस आइसोलेसनमा बस्नु भएको छ । तर उहाँले आफ्नो काम भने आइसोलेसनबाटै पनि गर्ने जनाइएको छ ।
भर्चुअल माध्यमबाट गर्न मिल्ने काम भर्चुअल माध्यमबाटै गर्ने उहाँले बताउनु भएको छ । गत सोमबार पत्रकार सम्मेलन गरेपछि उहाँलाई सङ्क्रमण भएको जनाइएको छ । अवको पत्रकार सम्मेलन भने गृहमन्त्री अडान औगुस्टो लोपेजले गर्नुहुने तय भएको छ ।
उहाँले अतिरिक्त खोपसमेत लगाइसकेकाले उहाँले सङ्क्रमण हुने संभावना कम रहेको बताइएको छ ।
