विराटनगर । प्रतिनिधिसभाकाे बैठक बुधबार पुन:बस्दै छ ।
बुधबार दिउँसो १ बजे बस्ने बैठकमा तीनवटा सम्भावित कार्यसूची राखिएको छ । संसद् सचिवालयले मंगलबार निकालेको सम्भावित कार्यसूचीमा प्रधानमन्त्री शेरबहादुर देउवाले ‘राष्ट्रिय सूचना आयोगको वार्षिक प्रतिवेदन ०७७/७८’, संस्कृति, पर्यटन तथा नागरिक उड्डयनमन्त्री प्रेमबहादुर आलेले ‘नेपाल नागरिक उड्डयन प्राधिकरण विधेयक ०७६’ र ‘नेपाल हवाई सेवा प्राधिकरण विधेयक ०७६’ माथि विचार गरियोस् भन्ने प्रस्ताव पेस गर्नेछन् ।
दुई विधेयक सभामा पेस भएपछि सैद्धान्तिक छलफल सुरु हुनेछ । यसअघि १५ फागुनमा बसेको बैठकले एमसिसी अनुमोदन गरेको थियो । एमालेको अवरोध जारी नै छ । बुधबारको बैठकमा पनि एमालेले विरोध यथावत् राख्ने भएको छ ।
