सुर्खेत । तिला नदीमा पौडी खेल्ने क्रममा दुई जना वेपत्ता भएका छन् । कालिकोट जिल्ला महावै गाउँपालिका–५ घर भएका १७ वर्षीया दुई जना तिला नदीमा वेपत्ता भएका हुन् ।
महाबै गाउँपालिका वडा ५ गेला निवासी अपिल भट्टराई र विपिन भट्टराई पौडी खेल्ने क्रममा नदीमा बगेर बेपत्ता भएको स्थानीय रामबहादुर शाहीले बताए ।
शुक्रबार वेपत्ता उहाँहरुको खोजी कार्य जारी रहेको प्रहरी कार्यालय कालिकोटले जनाएको छ । नदीमा वेपत्ता भएका बालकको खोजीका लागि घटनास्थलमा प्रहरी परिचालन गरिएको खोजी कार्य जारी रहेको कालिकोटका प्रमुख जिल्ला अधिकारी रामहरि शर्माले जानकारी दिए ।
वेपत्ता भएका दुबै जना कालिका माध्यमिक विद्यालय गेला कक्षा १० मा अध्यनत विद्यार्थी हुन ।
फोटो: साङ्केतिक
