विराटनगर । आज(बुधबार )बेलुकी ५ बजेदेखि देशभरका यातायात कार्यालयहरुबाट प्रदान हुने सम्पुर्ण सेवा अनिश्चितकालका लागि बन्द हुने भएको छ ।
यातायात व्यवस्था विभागले कार्यालयहरुका सर्भरहरुमा विद्युतीय समस्या देखिएको भन्दै बुधबार बेलुकी ५ बजेदेखि सम्पुर्ण सेवा बन्द गर्ने निर्णय गरेको हो ।
विभागका सर्भरहरुमा विद्युतीय समस्या देखिएको हुँदा समस्या समाधान नभएसम्मका लागि यातायात कार्यालयहरुबाट प्रदान गरिने सम्पुर्ण सेवाहरु अवरुद्ध हुने व्यहोरा विभागद्धारा जारी सूचनामा भनिएको छ ।
