विराटनगर । बैशाख ३० गते हुने स्थानीय तह निर्वाचनका लागि उम्मेदवारी मनोनय दर्ता आज पनि जारी छ ।
मनोनयन दर्ताका लागि निर्वाचन आयोगले वैशाख ११ र १२ गते मिति छुट्याएको छ । निर्वाचन आयोगका अनुसार सोमबार बिहान ११ बजेसम्म जम्मा १३ हजार ८ सय ८६ जनाको उम्मेदवारी दर्ता भएको छ ।
जसमध्ये मेयरतर्फ ६ सय १३, गाउँपालिका अध्यक्षतर्फ ४ सय ७६, उपमेयरमा २ सय ८६, गाउँपालिका उपाध्यक्षमा ३ सय ३ जनाले उम्मेदवारी दर्ता गराएका छन् ।
त्यसैगरी, वडा अध्यक्षमा ३ हजार ५ सय ४६, महिला सदस्यहमा २ हजार ६९, दलित महिला सदस्य १ हजार ६ सय ६४, सदस्यमा ४ हजार ४ सय ४७ जनाले उम्मेदवारी दर्ता गराएको निर्वाचन आयोगले जनाएको छ ।
मनोनयन दर्ता गराउने आज अन्तिम दिन हो ।
