गुल्मी । मंगलबार राति चट्याङ लागेर गुल्मीको मदाने गाउँपालिकामा एक महिलाको मृत्यु भएको छ ।
जिल्लाको मदाने गाउँपालिका–४ म्यालपोखरीकी ४५ वर्षीया राधिका भट्टराईको चट्याङ लागेर मृत्यु भएको जिल्ला प्रहरी कार्यालय गुल्मीले जनाएको छ ।
गोठमा गाईबस्तुलाई घाँसपात गर्ने क्रममा चट्याङ लागेर भट्टराईको मृत्यु भएको प्रहरीले जानकारी दिएको छ । घटनाको विषयमा थप अनुसन्धान भइरहेको प्रहरीले जनाएको छ ।
