धनगढी । कैलालीमा श्रीमान् र श्रीमती मृत अवस्थामा फेला परेका छन् ।
जिल्लाको गोदावरी नगरपालिका–७ बस्ने ६५ वर्षीय हेमबहादुर ऐर र उनकी श्रीमती ५४ वर्षीया पद्मा ऐर मृत फेला परेको प्रहरीले जनाएको छ ।
जिल्ला प्रहरी कार्यालय कैलालीका अनुसार हेमबहादुर घर नजिकै रूखमा झुन्डिएको र उनकी श्रीमती घरभित्र धारिलो हतियारले घाँटी रेटेको अवस्थामा मृत फेला परेको प्रहरीले जानकारी दिएका छन् ।
घटनास्थलको अवस्था हेर्दा श्रीमतीको हत्या पछि आफूले आत्महत्या गरेको हुन सक्ने प्रहरीले अनुमान गरेको छ । तर, थप अनुसन्धान भइरहेको जिल्ला प्रहरी कार्यालय कैलाली जनाएको छ ।
