पाकिस्तानको उत्तरपश्चिम खायबर पख्तुन्वामा सैनिक कारबाहीमा तीन जना आतङ्ककारी मारिएका छन् ।
सेनाले शनिबार दिएको जानकारी अनुसार सुराकीका आधारमा गरिएको सैनिक कारबाहीमा उत्तर पश्चिम वाजिरिस्तान जिल्लामा ती आतङ्ककारी मारिएका हुन् । सेनाको जनसम्पर्क कार्यालयले जनाएअनुसार दोहोरो गोली हानाहानमा ती आतङ्ककारीहरू मारिएका हुन् ।
सेनाले सो घटनामा आतङ्ककारीहरूबाट केही विष्फोटक पदार्थ र हतियार समेत नियन्त्रणमा लिएको छ । रासस/सिन्ह्वा
