काठमाडौं । प्रधानमन्त्री शेरबहादुर देउवाले मन्त्रिपरिषद् बैठक बोलाएका छन् ।
प्रधानमन्त्री देउवाका प्रेस प्रमुख गोविन्द परियारले मंगलबार दिउँसो ३ बजे सिंहदरबारस्थित प्रधानमन्त्रीको कार्यालयमा बैठक बस्न लागेको जानकारी दिए ।
सोमबार मन्त्रिपरिषदको नियमित बैठक बस्ने भएपनि मन्त्री हेरफेरका कारण बस्न सकेन । आज बस्न लागेको मन्त्रिपरिषद् बैठक नियमित रहेको प्रेस प्रमुख परियारले जानकारी दिएका छन् ।
सोमबार जनता समाजवादी पार्टी (जसपा)बाट कृषि तथा पशुपन्क्षी मन्त्री मृगेन्द्रकुमार सिंह यादव, भौतिक पूर्वाधार तथा यातायात मन्त्रीमा मोहम्मद इस्तियाक राई र वन तथा वातावरण मन्त्रीमा प्रदीप यावद नियुक्त भएका थिए ।
यसअघि जसपाबाट कृषि मन्त्रीमा महिन्द्रराय यादव, भौतिक पूर्वाधार मन्त्रीमा रेणुकुमारी यादव र वन तथा वातावरण मन्त्रीमा रामसहायप्रसाद यादव थिए ।
आज नयाँ मन्त्रीसहित मन्त्रिपरिषद बैठक बस्न लागेको हो ।
