काठमाडौं । चिनियाँ नागरिकलाई अपहरण गरेको आरोपमा प्रहरीले छ जनालाई पक्राउ गरेको छ ।
बुधबार राति लैनचौरबाट चिनियाँ नागरिकलाई अपहरण गरी गोंगबुमा बन्धक बनाएर राखेको आरोपमा उनीहरूलाई प्रकाउ गरिको जिल्ला प्रहरी परिसर काठमाडौंले जनाएको छ।
दरबारमार्ग क्षेत्रबाट चिनियाँ नागरिकलाई अपहरण गरेको आरोपमा बुधबार साँझ उनीहरूलाई समातिएको परिसरका प्रहरी वरिष्ठ उपरीक्षक (एसएसपी) भरत बोहराले जानकारी दिएका छन्।
एसएसपी बोहोराका अनुसार उनीहरूले चिनियाँ नागरिकबाट आठ लाख रुपैयाँ र २७ थान मोबाइलसमेत लुटेको आरोप छ। अपहरणमा परेका चिनियाँसँग एक करोड रुपैयाँ फिरौतीसमेत माग गरिएको बुझिएको प्रहरीले जनाएको छ।
प्रहरीले पक्राउ परेका व्यक्तिहरूको विवरण सार्वजनिक गरेको छैन। उनीहरूमाथि म्याद थप गरी अनुसन्धान अघि बढाइएको छ।
