विराटनगर । लेटाङबाट फुटबल हेर्न गएका तीन बालिका सम्पर्कविहीन भएका छन् ।
शनिबार बिहान ११ बजेतिर घरबाट हिँडेका लेटाङ नगरपालिका–३ की १३ वर्षीया रक्षा दर्नाल, लेटाङ–४ की १२ वर्षीया अनुष्का राई र १४ वर्षीया सविना राई बेपत्ता भएका हुन् । उनीहरु तीनै जना स्थानीय शान्ति भगवती माध्यमिक विद्यालयको कक्षा ७ मा अध्ययनरत छन् ।
प्रहरीका अनुसार उनीहरु फुटबल हेर्न जाने भन्दै घरबाट शनिबार बिहान ११ बजेतिर निस्किएका थिए । तर, गाउँमा खेलकुदका कुनै प्रतियोगिता नभएको प्रहरीले जानकारी दिएको छ ।
उनीहरुको खोजी कार्य तीव्र बनाए पनि फेला पार्न नसकिएको मोरङ जिल्ला प्रहरीका प्रवक्ता डिएसपी दिपक श्रेष्ठले बताए ।
प्रहरीमा ढिलो गरी जानकारी आएकाले खोजिमा समस्या भएको प्रहरीले बताएको छ । आफूहरुले आइतबार बिहान ६ बजेतिर मात्र जानकारी पाएको श्रेष्ठले बताए ।
फोटो:फाइल
