काठमाडौं । कीर्तिपुरस्थित त्रिवि क्रिकेट मैदानमा जारी नेपाल टी- २० लिगको फाइनल खेलमा आज लुम्बिनी अल स्टार्स र विराटनगर सुपर किङ्स भिड्दैछन् ।
केहीबेरमा सुरू हुने खेलमा लुम्बिनीले टस जितेर पहिला ब्याटिङ गर्ने निर्णय गरेको छ ।
विराटनगर रोहित पौडेलको कप्तानीमा मैदान उत्रिँदै छ भने, लुम्बिनी दीपेन्द्रसिंह ऐरीको कप्तानीमा रहनेछ । समूह चरणमा १० मध्यका ८ खेल जितेर १६ अंकसहित शीर्ष स्थानमा रहँदै लुम्बिनी प्लेअफ पुगेको थियो । प्लेअफमा जनकपुर रोयल्सलाई हराउँदै लुम्बिनीले फाइनल यात्रा तय गरेको थियो ।
समूह चरणमा समान ५ जित र हारको नतिजा निकालेको विराटनगर १० अंकसहित तेस्रो स्थानमा रहेर इलिमिनेटर पुगेको थियो ।
इलिमिनेटरमा काठमाडौं नाइट्सलाई हराउँदै विराटनगरले दोस्रो क्लालिफायरमा स्थान पक्का गर्यो । उक्त खेलमा जनकपुरलाई हराउँदै फाइनलमा लुम्बिनीसँगको भेट पक्का गरेको थियो ।
