विराटनगर । अन्तर्राष्ट्रिय युवा विकास कन्क्लेभ भारतको हरियाणामा सम्पन्न भएको छ ।
युवा विकास कन्क्लेभमा विराटनगरका युवा चाँद बाबु इराकीले अतिथी बक्ताका रुपमा प्रतिनिधित्व गरेका छन्। कार्यक्रममा युवाहरुको क्षमता विकास , युवाहरुमा भातृत्वको भावनाको विकास गराउनु , युवाद्वारा संचालित संस्थाहरुको क्षमता विकास गराउने उदेश्यले कार्यक्रमको आयोजना गरिएको थियो।
कार्यक्रममा अमेरिका,मलेसिया,भारत र नेपालका प्रतिनिधिहरुको सहभागिता रहेको थियो ।
दिगो विकासको लक्ष्य प्राप्तिका लागि कार्यक्रमलाई अझ बृहत बनाउदै राष्ट्रिय क्षेत्रीय तथा अन्तर्राष्ट्रिय तहसम्म नेतृत्व क्षमताको विकास गर्दै युवाहरुको सहभागितामा बढोतरी गर्दै अघि बढ्नु रहेको थियो ।
नेपालबाट प्रतिनिधित्व गरेका उदयमान युवा इराकीले उक्त कार्यक्रममा युवाका क्षेत्रमा गरेका कामहरु, निरन्तरता र युवाको विकासका लागि गरेको गतिविधि प्रति सम्मान ब्यक्त गर्दै सम्मानित गरिएको थियो ।
कार्यक्रममा बोल्दै युवा इराकीले युवामा आएको नैरस्यतालाई कम गर्न सबै मिलि अघि बढ्नु पर्ने , डिप्रेसनको अवस्थामा रहेका युवाहरुलाई सोबाट निकाल्नका लागि युवामुखी कार्यक्रम गर्दै अघि बढ्न पर्ने बताए।
परिवारले शिक्षकले र समाजले युवाका सम्स्यालाई बुझेर अघि बढ्न पर्नेमा जोड दिएका थिए ।
