विराटनगर । इटहरीमा मोटरसाइकल चोरी गरेर विराटनगर आईपुगेका दुईजनालाई प्रहरीले पक्राउ गरेको छ । इटहरी–२ स्थित पार्किङ गरेर राखेको बिक्रम खड्काको प्र–१–०२–०४ प३३१८ नम्बरको सुपर स्प्लेण्डर मोटरसाइकल चोरी आरोपमा उनीहरुलाई पक्राउ गरिएको हो ।
पक्राउ पर्नेमा इटहरी–१ का दुर्गेस चौधरी र धनकुटा नगरपालिका–१ का सौगात थापा रहेका छन् । दुवैजनालाई विराटनगर–११ बाट पक्राउ गरिएको थियो । पक्राउ पर्ने विरुद्ध मुलुकि फौजदारी कार्यविधि संहिता २०७४ बमोजिम सुनसरी जिल्ला अदालतबाट म्याद थप गरेर अनुसन्धान सुरु गरिएको छ ।
