ढल्केवर । आफ्नै छोराको हत्या आरोपमा एक जनालाई प्रहरीले २० वर्षपछि पक्राउ गरेको छ।
हत्या आरोपमा धनुषा जिल्लाको मिथिला नगरपालिका–३, हरिहरपुरका ७० वर्षीय वृद्ध महेश महतोलाई इलाका प्रहरी कार्यालय ढल्केवरका प्रहरीले बिहीबार पक्राउ गरेको हो ।
२०६० मङ्सिर ४ गते आफ्नै छोरा १७ वर्षीय सोलिदर महतोलाई घाँटीमा गम्छा बेरेर हत्या गरेको आरोपमा महेशलाई घरबाटै पक्राउ गरिएको इलाका प्रहरी कार्यालय ढल्केवरका प्रहरी निरीक्षक कवीन राईले बताए ।
घटना पश्चात फरार रहेका महतोलाई घर आएको बेला नियन्त्रणमा लिई थप अनुसन्धान कार्य भइरहेको धनुषा प्रहरीले जनाइएको छ ।
