काठमाडौं । नेपाल राष्ट्रिय बास्केटबल लिग हुने भएको छ ।
त्रिपुरेश्वरस्थित राष्ट्रिय खेलकुद परिषद्को कभर्डहलमा असोज १२ गतेदेखि असोज २७ गतेसम्म बास्केटबल लिग हुने भएको हो।
राष्ट्रिय बास्केटबल लिग नेपाल बास्केटबल सङ्घअन्तर्गत शीर्ष स्तरको लिग हो । यस लिगमा आठ क्लबले एक आपसमा प्रतिस्पर्धा गर्ने नेपाल बास्केटबल सङ्घले जनाएको छ ।
सहभागी क्लबमा विशाल मिलन केन्द्र, बुढानीलकण्ठ बास्केटबल क्लब, गोल्डनगेट इन्टरनेशनल कलेज, हाउन्ड्स एकेडेमी, रोयल स्पोट्स सेन्ट्रल, टाइम्स इन्टरनेशनल कलेज, त्रिभुवन आर्मी क्लब र कीर्तिपुर बास्केटबल क्लबले सहभागिता जनाउनेछन् ।
लिगको विजेता टोलीले पाँच लाख, उपविजेताले दुई लाख ५० हजार रुपैयाँ पुरस्कार पाउनेछ ।
त्यसैगरी प्रत्येक सहभागी क्लबले तयारी खर्च स्वरूप ५० हजार रुपैयाँ पाउने सङ्घले जनाएको छ ।
