विराटनगर । हिंसा भड्काउने अभिव्यक्ति दिएको आरोपमा आचार्य श्रीनिवास पक्राउ परेका छन् ।
सुनसरीको प्रकाशपुरबाट उनलाई जिल्ला प्रहरी कार्यालय सुनसरीको टोलीले मंगलबार पक्राउ गरेको हो ।
उनले धार्मिक हिंसा भड्काउने अभिव्यक्ति दिएको आरोप छ। जिल्ला प्रहरी कार्यालय सुनसरीका प्रहरी नायव उपरीक्षक नविनकृष्ण भण्डारीले श्रीनिवासलाई नियन्त्रणमा लिएको जानकारी दिए ।
जिल्ला प्रहरी कार्यालय धनुषाले पक्राउ पुर्जी जारी गरेपछि फरार रहेका उनलाई सुनसरी प्रहरीको टोलीले नियन्त्रणमा लिएको हो । उनलाई बुधबार धनुषा पठाइने प्रहरीले बताएको छ ।
सुनसरीको प्रकाशपुर आश्रममा बस्दै आएका आचार्य यस अघि विराटनगरमा आफैलाई गोली हान्न लगाइ धार्मिक द्वेष फैलाउन खोजेको अभियोगमा पक्राउ परेका थिए ।
